وفاقی وزیر صرف 200 لیٹر پیٹرول کے حقدار ہیں: اعظم نذیر تارڑ

وفاقی وزیر قانون سینیٹر اعظم نذیر تارڑ نے کہا ہے کہ وفاقی وزیر صرف 200 لیٹر پیٹرول کے حقدار ہیں۔

ایوان میں بجٹ بحث پر گفتگو میں اعظم نذیر تارڑ نے وضاحت کی کہ وزراء کے یوٹیلیٹی بلز حکومت ادا نہیں کرتی اور تمام وفاقی وزراء اپنے بجلی، گیس اور دیگر گھریلو اخراجات اپنی جیب سے ادا کرتے ہیں۔

اُن کا کہنا تھا کہ وفاقی وزیر صرف 200 لیٹر پٹرول کی سہولت کے حقدار ہوتے ہیں اور اس کے علاوہ کوئی اضافی مراعات حاصل نہیں کرتے۔