کراچی میں گرد آلود ہواؤں اور بارش کا امکان، موسمیاتی تجزیہ کار

موسمیاتی تجزیہ کار کا کہنا ہے کہ کراچی کے مختلف علاقوں میں بارش کا امکان ہے۔ آئندہ 30 سے 50 منٹ تک بارش ہوسکتی ہے۔

موسمیاتی تجزیہ کار کے مطابق کیرتھر پہاڑی سلسلے پر طاقتور بادل تشکیل ہوئے ہیں۔ مغربی ہواؤں کے زیرِ اثر بادل کراچی کی جانب بڑھ رہے ہیں۔

تجزیہ کار کا کہنا ہے کہ ڈی ایچ اے سٹی، گڈاپ، تیسر ٹاؤن اور دیگر علاقوں میں بارش کا امکان ہے۔ 

اسی طرح اندرونی علاقوں میں گردآلود ہوائیں، بوندا باندی کا بھی امکان ہے۔ 

محکمہ موسمیات کا کہنا ہے کہ کیرتھر کے قریب گرج چمک کے بادل موجود ہیں، بادل کراچی کی جانب بڑھتے ہوئے اپنی شدت کھو سکتے ہیں۔

محکمہ موسمیات کے مطابق حب کے قریب بارش ہونے کا امکان ہے، کراچی میں ایک سے ڈیڑھ گھنٹے میں ہلکی بارش اور بوندا باندی متوقع ہے۔