چیف جسٹس یحییٰ آفریدی کراچی سپریم کورٹ رجسٹری میں مقدمات سنیں گے

چیف جسٹس پاکستان جسٹس یحییٰ آفریدی کے کراچی پہنچنے پر سپریم کورٹ کراچی رجسٹری نے کاز لسٹ جاری کر دی۔

چیف جسٹس 2 روز تک سپریم کورٹ کراچی رجسٹری میں مختلف مقدمات کی سماعت کریں گے۔

بینچ نمبر 1 چیف جسٹس یحیٰ آفریدی اور جسٹس مسرت ہلالی پر مشتمل ہو گا جو سول اور فوجداری مقدمات کی سماعت کرے گا۔

بینچ نمبر 2 جسٹس منیب اختر اور جسٹس جمال خان مندوخیل پر مشتمل ہو گا جبکہ بینچ نمبر 3 جسٹس محمد علی مظہر، جسٹس عرفان سعادت اور جسٹس عقیل احمد عباسی پر مشتمل ہو گا۔