طالبان دور میں افغان خواتین کے قتل واقعات میں تشویشناک اضافہ

کراچی (نیوز ڈیسک) برطانوی اخبارکا کہنا ہے طالبان دور میں افغان خواتین کے قتل کے واقعات میں تشویشناک اضافہ ہوگیا۔231 قتل وارداتوں کا انکشاف، انصاف کا نظام بھی بے بس ، متعدد قتل سرکاری ریکارڈ میں خودکشی قرار دئیے گئے، بیشتر خواتین شوہروں یا قریبی رشتہ داروں کے ہاتھوں نشانہ بنیں، تحفظ نسواں ادارے ختم ہونے سے انصاف کا حصول دشوارہوگیا۔ برطانوی اخبار گارڈین اور  زان ٹائمز کی مشترکہ تحقیق میں انکشاف ہوا ہے کہ طالبان کے اقتدار میں آنے کے بعد افغانستان میں خواتین کے قتل کے واقعات میں تشویشناک اضافہ ہوا ہے، جبکہ بیشتر ملزمان سزا سے بچ نکلتے ہیں۔