قصور: 2 سالہ بچہ گڑھے میں جمع بارش کے پانی میں ڈوب کر جاں بحق

قصور کوٹ رادھا کشن کے محلہ فاروقیہ میں 2 سال کا بچہ گڑھے میں جمع بارش کے پانی میں ڈوب کر جاں بحق ہو گیا۔

پولیس کے مطابق یہ پانی گیس کے پائپ تبدیل کرنے کے لیے کی گئی کھدائی میں جمع ہوا تھا۔

بچے کے لواحقین اور علاقہ مکینوں نے احتجاج کرتے ہوئے ٹریفک بلاک کردی، ان کا مطالبہ ہے کہ ذمے داروں کے خلاف قتل کا مقدمہ درج کیا جائے۔

مقامی پولیس نے مظاہرین کو ذمے داروں کےخلاف کارروائی کی یقین دہانی کرائی تاہم ان کا کہنا ہے کہ اعلیٰ حکام کی یقین دہانی تک احتجاج جاری رکھیں گے۔