نائب وزیراعظم اسحاق ڈار نے ٹیلی فون پر رابطہ کیا ہے: لیاقت بلوچ
جماعت اسلامی کے نائب امیر لیاقت بلوچ نے کہا ہے کہ نائب وزیراعظم اسحاق ڈار نے ٹیلی فون پر رابطہ کیا ہے۔
لیاقت بلوچ کا کہنا ہے کہ اسحاق ڈار سے مذاکرات کے حوالے سے تفصیلی گفتگو ہوئی ہے، 10 نومبر کو حکومت اور جماعت اسلامی کی سب کمیٹی کے مذاکرات کا فائنل راؤنڈ ہوگا۔
انہوں نے کہا کہ نائب وزیراعظم کی میزبانی میں اجلاس وزارت خارجہ کی عمارت میں ہوگا۔
لیاقت بلوچ نے کہا ہے کہ حکومت اور جماعت اسلامی کی مذاکراتی سب کمیٹی کا اجلاس ہوگیا تھا، ٹیکنیکل کمیٹی نے بھی میٹنگ مکمل کرلی ہے، اب حکومت پیٹرولیم لیوی اور عوامی ریلیف کے لیے اقدامات کرے۔
Load/Hide Comments
