وزیراعظم کی جنرل عاصم منیر کو فیلڈ مارشل کے عہدے پر ترقی پر مبارکباد

وزیراعظم شہباز شریف نے جنرل عاصم منیر کو فیلڈ مارشل کے عہدے پر ترقی پر مبارکباد دی ہے۔ 

ایک بیان میں وزیرِ اعظم نے کہا کہ آرمی چیف نے معرکہ حق میں قائدانہ اور پیشہ ورانہ صلاحیتوں سے دشمن کے ناپاک عزائم کو خاک میں ملایا، جنرل عاصم منیر کو اللہ تعالیٰ نے بے مثال خوبیوں سے نوازا ہے۔

وزیراعظم نے کہا آپریشن بنیان مرصوص کی کامیابی میں جنرل عاصم منیر کی دلیری، استقامت اور دانشمندی کا کلیدی کردار تھا۔ 

انھوں نے کہا کہ آرمی چیف کی دفاع وطن کیلئے گراں قدر خدمات پر انہیں فیلڈ مارشل کے عہدے پر ترقی دی گئی۔ 

وزیراعظم نے مزید کہا کہ معرکہ حق کے دوران آرمی چیف سے لیکر ہر سپاہی نے دفاع وطن کیلئے دلیری سے اپنی خدمات سرانجام دیں۔