ہوا کے کم دباؤ کی مغرب کی جانب حرکت، سندھ میں 7 ستمبر سے بارش کا امکان

محکمہ موسمیات کے مطابق مون سون ہوا کا ایک کم دباؤ بھارتی ریاست چھتیس گڑھ کے قریب موجود ہے۔

محکمہ موسمیات نے بتایا کہ یہ سسٹم مغرب اور شمال مغرب کی جانب حرکت کر رہا ہے، 6 یا 7 ستمبر کو سسٹم بھارتی ریاست راجستھان اور گجرات کے قریب پہنچ جائے گا۔

محکمہ موسمیات کے مطابق اس سسٹم کے زیر اثر جنوب مشرقی سندھ میں 7 ستمبر سے بارش کا امکان ہے۔

محکمہ موسمیات نے مزید بتایا کہ جنوب مشرقی سندھ میں گرج چمک کے ساتھ کے تیز بارش ہوسکتی ہے جبکہ کراچی میں بارش سے متعلق سسٹم کے قریب آنے پر ہی حتمی بات کی جاسکے گی۔