محکمہ خوراک کے گودام سے گندم کی 21 ہزار 221 بوریاں چوری

کوئٹہ میں واقع سرکاری گودام میں سے گندم کی 21 ہزار221 بوریاں چوری ہو گئیں۔

بلوچستان کے محکمۂ خوراک کے حکام کے مطابق گندم کی بوریاں چوری ہونے کے سبب محکمے کو 9 کروڑ روپے کا نقصان ہوا ہے۔

محکمۂ خوراک کے گودام سے گندم کی چوری پر حکام کا کہنا ہے کہ واقعے کے بعد 2 گودام انچارج اور ایک گیٹ کیپر کو مبینہ طور پر خُورد برد میں ملوث قرار دیتے ہوئے معطل کر دیا گیا ہے۔