شہداد کوٹ سے کراچی آنیوالا تاجر لٹ گیا، ڈاکو 20 لاکھ کے موبائل فون لے کر فرار

شہداد کوٹ سے موبائل فون خریدنے کیلئے کراچی آنے والے تاجر سے ڈاکوؤں نے لوٹ مار کی ہے۔

کراچی پولیس کے مطابق واردات دو روز قبل شاہ لطیف تھانے کی حدود قائد آباد داؤد چورنگی کے قریب ہوئی۔

پولیس کے مطابق ڈاکوؤں نے تاجر سے 20 لاکھ روپے سے زیادہ مالیت کے 40 موبائل فون چھینے۔

پولیس کے مطابق واقعہ کا مقدمہ متاثرہ تاجر راجہ خان کی مدعیت میں شاہ لطیف تھانے میں درج کیا گیا ہے۔

مقدمے کے متن کے مطابق صدر موبائل مارکیٹ سے اس نے مختلف کمپنیوں کے 40 موبائل فون خریدے تھے۔