آج کا پاکستان زنجیروں میں جکڑا ہوا ہے، بیرسٹر علی ظفر

پاکستان تحریک انصاف ( پی ٹی آئی) کے سینیٹر بیرسٹر علی ظفر نے کہا ہے کہ آج کا پاکستان زنجیروں میں جکڑا ہوا ہے۔

لاہور میں عاصمہ جہانگیر کانفرنس کے دوران پی ٹی آئی کے سینیٹر علی ظفر نے کہا کہ کوئی بھی آئین کو تسلیم نہیں کرتا، صرف مرضی کی چیزیں مانی جاتی ہیں۔

انہوں نے کہا کہ جمہوریت کا حسن ہے کہ ہر فرد کی آواز سنی جائے، جمہوریت کی بنیاد ہے کہ ریاست عوام کے لیے ہے۔

پی ٹی آئی سینیٹر نے مزید کہا کہ ہماری جمہوریت اشرفیہ کے قبضے میں ہے، 8 فروری کے الیکشن میں عوام نے اپنا اثر دکھایا۔

اُن کا کہنا تھا کہ الیکشن نتائج کو تسلیم کرنے کی بجائے اشرفیہ کو حکمرانی دی گئی، موجودہ حکمران بغیر رعایا کے بادشاہ ہیں۔

بیرسٹر علی ظفر نے یہ بھی کہا کہ کیا ہم خاموش ہو جائیں، ہم نے بولتے رہنا ہے ایک دن وقت ضرور بدلے گا۔