شادی کی تقریب میں ہوائی فائرنگ کرنے والی دلہن کی ضمانت منظور
راولپنڈی کے علاقہ گوہڑہ میں شادی کی تقریب میں ہوائی فائرنگ کرنے والی دلہن کی ضمانت منظور کرلی گئی۔
علاقہ مجسٹریٹ گوجر خان آفتاب احمد نے دلہن کی ضمانت منظور کی۔ عدالت نے ملزمہ کو 50 ہزار روپے کے مچلکے جمع کرانے کا حکم دیا ہے۔
دلہن کو گرفتاری کے بعد گزشتہ روز علاقہ مجسٹریٹ کی عدالت میں پیش کیا گیا تھا اور عدالت نے ملزمہ کو 14 روزہ جوڈیشل ریمانڈ پر جیل بھیج دیا تھا۔
پولیس کے مطابق گرفتار لڑکی کی ایک ماہ قبل شادی ہوئی ہے، شادی کے بعد فائرنگ کی ویڈیو سامنے آنے پر قانونی کارروائی کی گئی۔
پولیس کا کہنا ہے کہ پولیس نے پنجاب آرمز ترمیمی آرڈیننس 2015 کے تحت مقدمہ درج کیا ہے۔
Load/Hide Comments
