موسیٰ کا مصلیٰ چوٹی سے واپسی پر غیر ملکی سیاح لاپتہ

پاکستان کے ضلع مانسہرہ میں وادی سرن اور وادی کاغان کے سنگم پر واقع مشہور اور بلند ترین پہاڑی چوٹی موسیٰ کا مصلیٰ سے واپسی پر غیر ملکی سیاح لاپتہ ہو گیا۔

پولیس کے مطابق 13 ہزار 500 فٹ بلند چوٹی سے آئرلینڈ کا سیاح الیگزینڈر لاپتہ ہوا، سیاح دوسرے غیر ملکی دوست کے ہمراہ چوٹی پر گیا تھا۔

پولیس کا کہنا ہے کہ دونوں غیر ملکی سیاح بغیر این او سی کے موسیٰ کا مصلیٰ چوٹی پر گئے، واپسی پر دونوں نے الگ الگ نیچے جانے کی شرط لگائی۔

ایس پی سٹی شاہنواز خان نے بتایا کہ لاپتہ غیر ملکی سیاح کی تلاش کے لیے سرچ آپریشن جاری ہے۔