کرتارپور راہداری آج بھی بند

کرتارپور راہداری کے زیرو ٹرمینل گیٹ آج بھی بند ہیں۔

 شکر گڑھ گوردوارہ دربار صاحب کی انتظامیہ کا کہنا ہے کہ کرتارپور راہداری 16 روز سے بھارت کی جانب سے بند ہے۔ 

مقامی سکھ یاتریوں اور سیاحوں کی آمد کا سلسلہ جاری ہے ۔ 

دربار انتظامیہ کا کہنا ہے کہ پاکستان کی جانب سے کرتارپو رہداری معمول کے مطابق کھلی ہے، وہ بھارتی یاتریوں کی خدمت کے لیے ہر وقت حاضر اور ان کی آمد کے منتظر ہیں۔

کرتار پور انتظامیہ نے سکھ یاتریوں کی میزبانی کے لیے مکمل انتظامات کر رکھے ہیں۔

ادھر دربار میں آئے یاتریوں نے بھارتی حکومت سے مطالبہ کیا کہ وہ کرتارپور راہداری کھولے اور مذہبی مقامات کو سیاست کی بھینٹ نہ چڑھائے۔