بیشتر اضلاع میں موسم گرم و خشک رہنے کا امکان

محکمۂ موسمیات کی جانب سے صوبہ بلوچستان کے موسم کی صورتحال سے متعلق رپورٹ جاری کی گئی ہے۔

محکمۂ موسمیات کے مطابق بلوچستان کے بیشتر اضلاع میں موسم گرم و خشک رہنے کاامکان ہے، وادی کوئٹہ میں مطلع صاف اور موسم خشک جبکہ بلوچستان کے شمالی اضلاع میں موسم معتدل اور جنوبی اضلاع میں گرم ہے۔

محکمۂ موسمیات کا کہنا ہے کہ بلوچستان کے میدانی اضلاع میں موسم شدید گرم رہنے کا امکان ہے۔

اسی طرح بلوچستان کے مختلف علاقوں میں آج تیز اور گرد آلود ہوائیں چلنے کا بھی امکان ہے، کل تربت اور سبی میں درجۂ حرارت 47 ڈگری سینٹی گریڈ ریکارڈ ہوا ہے۔