امریکہ نے آئی سی سی کی 4 خاتون ججز پر پابندیاں عائد کردیں
واشنگٹن( نیوز ڈیسک)امریکی حکومت نے انٹرنیشنل کریمنل کورٹ کی 4خاتون ججز پر پابندیاں عائد کردیں۔امریکی وزیر خارجہ مارکو روبیو نے الزام لگایا کہ انٹرنیشنل کریمنل کورٹ کی چاروں ججز غیرقانونی سرگرمیوں میں ملوث رہی ہیں۔انہوں نے بتایا کہ ان ججز نے امریکہ اور اتحادی اسرائیل کو غیرقانونی طور پر نشانہ بنایا۔ میڈیا رپورٹس کے مطابق افغانستان میں امریکی فوجیوں کے مبینہ جنگی جرائم کا مقدمہ کھولنے کا فیصلہ بھی ججز پر پابندیوں کا باعث بنا۔ دوسری جانب انٹرنیشنل کریمنل کورٹ کا کہنا ہے کہ وہ ججوں اور عدالتی عملے کے ساتھ ہیں۔
Load/Hide Comments