بلوچستان میں ریسکیو کیلئے ہیلی کاپٹر 24 گھنٹے دستیاب ہے: ترجمان

وزیرِ اعلیٰ بلوچستان سرفراز بگٹی نے سیلابی صورتِ حال میں ریسکیو کے لیے ہیلی کاپٹر کی 24 گھنٹے کی دستیابی یقینی بنانے کی ہدایت دے دی۔

ترجمان بلوچستان حکومت شاہد رند نے کہا ہے کہ صوبے میں سیلابی صورتِ حال میں ریسکیو کے لیے ہیلی کاپٹر 24 گھنٹے دستیاب ہو گا۔

ترجمان شاہد رند نے بتایا ہے کہ ہیلی کاپٹر سے متعلق اقدامات وزیرِ اعلیٰ بلوچستان کی ہدایت پر کیے گئے ہیں۔

انہوں نے کہا ہے کہ بلوچستان حکومت مون سون سیزن کے دوران کسی بھی ممکنہ خطرے سے نمٹنے کے لیے تیار ہے، کسی بھی ہنگامی صورتِ حال میں فضائی مدد کو یقینی بنایا جائے گا۔