کراچی:عزیز آباد میں شہری کی فائرنگ سے ڈاکو ہلاک، 3 فرار

کراچی کے علاقے عزیزآباد میں شہری کی فائرنگ سے ڈاکو ہلاک ہوگیا۔

پولیس کے مطابق عزیزآباد میں گلشن شمیم کے قریب 4 ڈاکو ہوٹل میں موجود شہری سے لوٹ مار کرنے کی کوشش کر رہے تھے کہ اس دوران ایک شہری نے ڈاکوؤں پر فائرنگ کردی۔

شہری کی فائرنگ سے ایک ڈاکو شدید زخمی ہوگیا جبکہ 3 ڈاکو فرار ہوگئے۔ بعدازاں شدید زخمی ہونے والا ڈاکو اسپتال پہنچنے سے قبل ہلاک ہوگیا۔

پولیس کے مطابق ہلاک ہونے والے ڈاکو کی شناخت شہزاد کے نام سے ہوئی ہے جس پر بلال کالونی اور سرجانی تھانے میں بھی مقدمات ہیں۔