آج 2 تھیٹر پلے ’ہو جمالو‘ اور ’کتے‘ پیش کیا جائے گا

کراچی آرٹس کونسل میں پاکستان کے سب سے بڑے میڈیا نیٹ ورک جنگ اور جیو کے اشتراک سے جاری ورلڈ کلچر فیسٹیول کا آج 15واں روز ہے۔

39 روزہ عالمی ثقافتی میلے میں آج دوپہر 2 بجے ’کریٹِو فریڈم اِن آرٹ‘ کے موضوع پر اوپن مائیک ٹاک سیشن ہوگا۔

شام 4 بجے مختصر دورانیے کی فرانسیسی فلموں کی اسکریننگ جبکہ شام ساڑھے 5 بجے کویت کی لاپا ڈانس کمپنی کی جانب سے ڈانس ورکشاپ کا انعقاد کیا جائے گا۔

آرٹس کونسل میں آج رات 7 بجے سندھی تھیٹر پلے ’ہو جمالو‘ اور 8 بجے اردو تھیٹر ’کتے‘ پیش کیا جائے گا۔