کراچی، لانڈھی میں ٹریلر کی ٹکر سے موٹرسائیکل سوار خاتون جاں بحق
کراچی کے علاقے لانڈھی میں ٹریلر کی ٹکر سے موٹرسائیکل سوار خاتون جاں بحق ہوگئی۔
پولیس کے مطابق جاں بحق ہونے والی خاتون خود موٹرسائیکل چلا رہی تھی، حادثے کے بعد 10 وہیلر ٹریلر کا ڈرائیور فرار ہوگیا۔
پولیس نے ٹریلر کو قبضے میں لے کر ڈرائیور کی تلاش شروع کردی ہے۔
جاں بحق موٹرسائیکل رائڈر کے اہلخانہ نے کہا کہ بشریٰ ایکسپورٹ پروسیسنگ زون میں پرانے کپڑوں کی فیکٹری میں انچارج تھی۔
اہلخانہ نے کہا کہ بشریٰ کی اوکاڑہ میں تدفین کے بعد قانونی کارروائی کا آغاز کریں گے۔
اس سے قبل اختر کالونی سگنل پر ٹریلر کی ٹکر سے راہگیرجاں بحق ہوا۔ حادثے کے بعد ڈرائیور فرار ہوگیا جبکہ پولیس نے ٹریلر تحویل میں لے لیا۔
یاد رہے کہ نئے سال کے دو دن میں ہیوی گاڑیوں کی ٹکر سے جاں بحق افراد کی تعداد 2 ہوگئی ہے۔
Load/Hide Comments
