3 دن کے دورے میں وزیر اعلیٰ سہیل آفریدی مزار قائد پر حاضری نہ دے سکے

کراچی میں 3 دن کے دورے کے دوران وزیر اعلیٰ خیبر پختونخوا سہیل آفریدی مزار قائد پر حاضری نہ دے سکے۔

وزیراعلیٰ خیبرپختونخوا تیسرے دن باغ جناح میں جلسے رکھنے کے باوجود  بانی پاکستان قائداعظم محمد علی جناح کے مزار پر حاضری کےلیے نہ پہنچ سکے۔

وہ شہر کے مختلف علاقوں کا دورہ کرتے رہے اور رات گئے نمائش چورنگی پہنچے اور مختصر خطاب کے بعد وہاں سے روانہ ہوگئے جبکہ آج انہوں نے مزار قائد پر حاضری دینا تھا۔

مزار قائد پر حاضری کا وقت ختم ہوگیا اور 6 بجتے ہی قومی پرچم سرنگوں کرکے مزار قائد کے دروازے بند کر دیے گئے۔

جلسہ سے پہلے انہوں نے کیماڑی اور بلدیہ سمیت شہر کے مختلف علاقوں کا دورہ کیا۔