ٹاؤن کمیٹی آفس کے سامنے بچی کھلے مین ہول میں جا گری

نوشہروفیروز کی ٹاؤن کمیٹی محراب پور آفس کے قریب ایک چھوٹی بچی کھلے مین ہول میں گر گئی، تاہم مقامی افراد کی بر وقت مداخلت سے بچی محفوظ رہی۔

ریسکیو حکام کے مطابق بچی اپنی ماں کے ہمراہ ٹاؤن آفس کے نزدیک واقع اسپتال دوا لینے جا رہی تھی کہ اچانک حادثے کا شکار ہو گئی۔

 خاتون کے شور مچانے پر مقامی رہائشی فوراً موقع پر پہنچے اور بچی کو نکال لیا۔

مقامی افراد کا کہنا ہے کہ ٹاؤن آفیس اور دیگر مقامات میں مین ہول کے ڈھکن موجود نہیں ہیں، جس کی وجہ سے یہ حادثات پیش آتے ہیں اور فوری اقدامات کی ضرورت ہے۔