بلوچستان کے مختلف اضلاع میں 16، 17 فروری کو بارش متوقع

محکمہ موسمیات نے بلوچستان میں مغربی ہواؤں کے کمزور سسٹم کی 16 فروری کو داخل ہونے کی پیشگوئی کی ہے۔

محکمہ موسمیات کی رپورٹ کے مطابق 16 اور 17 فروری کے دوران بلوچستان کے مختلف اضلاع میں بارش متوقع ہے۔

رپورٹ کے مطابق اس دوران بلوچستان کے شمالی علاقوں میں ژالہ باری کا امکان ہے جبکہ زیارت، خضدار، چمن،قلعہ عبداللّٰہ، قلعہ سیف اللّٰہ میں بارش کا امکان ہے۔

محکمہ موسمیات کے مطابق چاغی، پشین، نوشکی، ہرنائی، ژوب، قلات، مستونگ، بارکھان، سبی، لورالائی، کیچ، پنجگور، گوادر، آواران، خاران اور لسبیلہ میں وقفے وقفے سےتیز، درمیانی اور ہلکی بارش متوقع ہے۔