جماعت اسلامی کا پیٹرولیم لیوی کم نہ کرنے پر کل گورنر ہاؤس سندھ پر دھرنا دینے کا اعلان

امیر جماعت اسلامی کراچی منعم ظفر خان نے پیٹرولیم لیوی کم نہ کرنے پر کل (اتوار 16 اگست) گورنر ہاؤس سندھ کے باہر دھرنا دینے کا اعلان کردیا۔

ایک بیان میں منعم ظفر نے کہا کہ حکومت پیٹرولیم لیوی کی مد میں مقررہ ہدف سے تقریباً 100 ارب روپے زیادہ وصول کرچکی ہے۔ ٹیکس اہداف کے حصول میں ناکام حکومت نے پیٹرولیم لیوی کو کمائی کا ذریعہ بنا لیا ہے۔

لاہور میں بھی جماعت اسلامی کے زیر انتظام پیٹرولیم لیوی کے خلاف احتجاج دھرنا چیئرنگ کراس مال روڈ پر دیا جائے گا۔