کراچی: جماعت اسلامی کا دھرنے کا اعلان، گورنر ہاؤس جانیوالا روڈ کنٹینر لگا کر بند
جماعت اسلامی کے پیٹرولیم لیوی کے خلاف کراچی میں گورنر ہاؤس پر دھرنے کے اعلان پر فوارہ چوک اور پولو گراؤنڈ سے گورنر ہاؤس جانے والا روڈ کنٹینر لگا کر بند کردیا گیا۔
ترجمان جماعت اسلامی کراچی کا کہنا ہے کہ پیٹرولیم پر لیوی کے خلاف احتجاجی دھرنا ہر صورت ہوگا، حکومت نے گورنر ہاؤس جانے والے راستے کنٹینر لگا کر بند کر دیے۔
جماعت اسلامی کراچی کا کہنا ہے کہ کوئی بھی رکاوٹ ہمارا راستہ نہیں روک سکتی۔
گزشتہ روز منعم ظفر کا کہنا تھا کہ حکومت پیٹرولیم لیوی کی مد میں مقررہ ہدف سے تقریباً 100 ارب روپے زیادہ وصول کرچکی ہے۔ ٹیکس اہداف کے حصول میں ناکام حکومت نے پیٹرولیم لیوی کو کمائی کا ذریعہ بنا لیا ہے۔
Load/Hide Comments
