کراچی: چپ تعزیہ جلوس کی سیکیورٹی کا پلان تیار

کراچی پولیس نے چپ تعزیہ جلوس کے موقع پر سیکیورٹی کا پلان بنالیا۔

ترجمان کراچی پولیس کے مطابق نشتر پارک سے برآمد ہونے والے چپ تعزیہ جلوس کی سیکیورٹی پر 3 ہزار 745 پولیس افسران و اہلکار تعینات ہوں گے۔

ترجمان کے مطابق رضویہ قصر مصب سے برآمد جلوس کےلیے 2 ہزار 320 پولیس افسران و اہلکار تعینات کیے جائیں گے۔

پولیس ترجمان کے مطابق دونوں مقامات پر مجموعی طور پر 6 ہزار 65 اہلکار و افسران سیکیورٹی پر ڈیوٹی دیں گے۔

ترجمان کے مطابق جلوس کی نگرانی سی سی ٹی وی کنٹرول رومز سے کی جائے گی، جلوس کی گزرگاہ، داخلی اور خارجی راستوں پر خصوصی نفری تعینات ہوگی۔