لاہور: پانچ روز قبل ٹریفک حادثے میں زخمی نوجوان اسپتال میں دم توڑ گیا
لاہور کے علاقے شادمان میں 5 روز قبل ٹریفک حادثے میں زخمی ہونے والا نوجوان اسپتال میں دم توڑ گیا۔
پولیس کے مطابق حادثے میں ٹریفک وارڈن بھی زخمی ہوا تھا، حادثہ وارڈن کی جانب سے تیز رفتار موٹرسائیکل سوار کو روکنے پر ہوا۔
پولیس کے مطابق حادثے کی سی سی ٹی وی بھی سامنے آگئی، وارڈن کو موٹر سائیکل سوار کے آگے آتے دیکھا جا سکتا ہے۔
پولیس کے مطابق موٹر سائیکل سوار وارڈن سے ٹکرا کر سڑک پر گرا، ٹریفک وارڈن احسان الحق بھی حادثے میں زخمی ہوا۔
پولیس کے مطابق زخمی نوجوان زین اور وارڈن احسان الحق کو اسپتال منتقل کیا گیا۔ جہاں وارڈن احسان الحق اسپتال میں زیر علاج ہے۔
Load/Hide Comments
