نیپرا نے بجلی مہنگی کردی

نیشنل الیکٹرک پاور ریگولیٹری اتھارٹی (نیپرا) نے بجلی ایک روپے 11 پیسے فی یونٹ مہنگی کردی۔

نیپرا نوٹیفکیشن کے مطابق بجلی اگست کی فیول پرائس ایڈجسٹمنٹ کے تحت ایک ماہ کیلئے مہنگی کی گئی ہے۔

نوٹیفکیشن کے تحت کراچی سمیت ملک بھر کے صارفین سے اضافہ اکتوبر کے بلوں میں وصول ہوگا۔

ذرائع کا کہنا ہے کہ اگست کی فیول ایڈجسٹمنٹ سے صارفین پر 19 ارب روپے کا اضافی بوجھ منتقل ہوگا جبکہ لائف لائن صارفین پر اضافے کا اطلاق نہیں ہوگا۔