اٹک جیل میں افسران کی موجودگی میں حوالاتیوں پر تشدد

اٹک جیل میں افسران کی موجودگی میں حوالاتیوں پر تشدد ہونے پر آئی جی جیل خانہ جات پنجاب نے سپرنٹنڈنٹ اٹک جیل کو عہدے سے ہٹا دیا۔

سپرنٹنڈنٹ اٹک جیل عارف شہزاد کو لاہور میں رپورٹ کرنے کا حکم دے دیا گیا ہے۔

آئی جی جیل خانہ جات نے 2 افسران سمیت 5 اہلکاروں کو بھی معطل کردیا۔

معطل ہونے والوں میں ڈپٹی سپرنٹنڈنٹ صمد حسن اور اسسٹنٹ سپرنٹنڈنٹ مشتاق احمد شامل ہیں۔

اشتیاق احمد گل کو نیا سپرنٹنڈنٹ اٹک جیل تعینات کرنے کا نوٹیفکیشن بھی جاری کر دیا گیا ہے۔

واضح رہے کہ جیل میں قیدی پر بہیمانہ تشدد کی ویڈیو 2 روز قبل سامنے آئی تھی۔