بلاول بھٹو کا پاک بھارت جنگ بندی سے متعلق اہم بیان

چیئرمین پاکستان پیپلز پارٹی (پی پی پی) بلاول بھٹو زرداری نے پاک بھارت جنگ بندی سے متعلق اہم بیان دے دیا۔

بیان میں بلاول بھٹو زرداری نے کہا ہے کہ ہمارے پاس یہ فیصلہ کرنے کے لیے صرف چند سیکنڈز تھے کہ بھارت کی طرف سے پاکستان پر چلایا گیا میزائل جوہری ہے یا نہیں۔

انہوں نے مزید کہا کہ ایک ایسے وقت میں جب پاک فوج کو یقین تھا کہ ہم جنگ جیت رہے ہیں، ہم نے جنگ بندی پر رضا مندی ظاہر کی۔

چیئرمین پی پی پی نے یہ بھی کہا کہ رضا مند اس لیے بھی ہوئے کہ امریکا نے کمٹمنٹ دی کہ پاکستان اور بھارت کے درمیان تمام تنازعات پر غیر جانبدار مقام پر بات چیت ہو گی۔