اسپیکر نے مجھے کہا وزیراعلیٰ کی تقریر کے دوران احتجاج مت کیجیے گا، ملک احمد بھچر

پنجاب اسمبلی میں اپوزیشن لیڈر ملک احمد بھچر نے کہا ہے کہ اسپیکر نے مجھے کہا کہ وزیراعلیٰ کی تقریر کے دوران احتجاج مت کیجیے گا۔

لاہور میں پریس کانفرنس کرتے ہوئے ملک احمد بھچر نے کہا کہ ہم وزیراعلیٰ کے سامنے احتجاج نہیں کریں گے تو کس کے سامنے کریں گے؟

ملک احمد بھچر کا کہنا تھا کہ ایوان کے اندر اور باہر دونوں جگہ احتجاج کریں گے، اسپیکر نے دباؤ کے تحت جانبدارانہ فیصلہ کیا۔

انہوں نے کہا کہ ہمیں احتجاج سے کوئی نہیں روک سکتا، اسپیکر اسمبلی کی باڈی لینگویج سے لگتا تھا کہ وہ دباؤ میں ہیں۔

ملک احمد بھچر نے مزید کہا کہ سانحہ سوات کے ذمے داران کو سزا ضرور ملنی چاہیے۔