اسرائیل کے ساتھ مذاکرات جاری، جلد سکیورٹی معاہدہ طے پا سکتا ہے، شام

دمشق(آئی این پی )شام کے عبوری صدر احمد الشرع نے کہا ہے کہ اسرائیل کے ساتھ جاری مذاکرات کے نتیجے میں ایک سکیورٹی معاہدہ آنے والے دنوں میں طے پا سکتا ہے،امریکہ ثالث کا کردار ادا کر رہا ہے واشنگٹن کی جانب سے کوئی دبائو نہیں ۔دمشق میں صحافیوں سے گفتگو میں انہوں نے کہا کہ یہ سکیورٹی معاہدہ ایک ضرورت ہے بشرط کہ شامی فضائی حدود اور علاقائی سالمیت کا احترام کیا جائے اور یہ سب اسلامی قانون کے مطابق اور اقوام متحدہ کی نگرانی میں ہو۔