امریکا، برطانیہ، روس اور سعودیہ کی اسلام آباد حملے کی مذمت

امریکا، برطانیہ، روس، سعودی عرب، ترکیہ، آسٹریلیا اور جرمنی سمیت کئی ممالک نے حملے کی مذمت کی ہے۔

یو این سیکرٹری جنرل انتونیو گوتریس نے بھی اسلام آباد میں دھماکے کی شدید مذمت کی ہے۔

وزیراعظم شہباز  شریف نے کہا کہ اسلام آباد خود کش حملے پر دنیا بھر سے ہمدردی کے پیغامات پر شکر گزار ہیں۔

انہوں نے کہا کہ اس بہیمانہ جرم کے ذمہ داروں کو انصاف کے کٹہرے میں پوری قوت کے ساتھ لائیں گے۔

یاد رہے کہ گزشتہ روز اسلام آباد کے علاقے ترلائی میں نمازِ جمعہ کے دوران مسجد خدیجۃُ الکبریٰ میں خودکش دھماکے میں 32 افراد شہید اور ڈیڑھ سو سے زائد زخمی ہوگئے تھے۔