اسلام آباد حملہ انسانیت سوز واقعہ ہے: حمزہ شہباز

مسلم لیگ نواز کے رہنما حمزہ شہباز نے کہا ہے کہ اسلام آباد کے علاقے ترلائی میں واقع مسجد و امام بارگاہ پر حملہ انسانیت سوز واقعہ ہے۔

لاہور سے جاری ہونے والے بیان میں مسلم لیگی رہنما حمزہ شہباز نے کہا ہے کہ 32 معصوم نمازیوں کو مسجد کے اندر شہید کیا گیا۔

حمزہ شہباز نے کہا کہ یہ حملہ پاکستان میں رواداری، امن اور ترقی کے سفر پر کیا گیا ہے۔

انہوں نے کہا کہ ہم دھماکے کے زخمیوں کی صحتیابی کے لیے دعاگو ہیں، اللّٰہ تعالیٰ لواحقین کو اس بڑے سانحے پر صبرِ جمیل عطاء فرمائے اور اس مشکل گھڑی میں ہماری تمام ہمدردیاں غم زدہ خاندانوں کے ساتھ ہیں۔

حمزہ شہباز نے یہ بھی کہا ہے کہ دہشت گردی کو ختم کرنے کے لیے پوری قوم اپنی سیکیورٹی فورسز کے پیچھے کھڑی ہے۔