اہل لاہور کی اکثریت نے بسنت منانے کا فیصلہ درست قرار دیدیا

لاہوریوں کی اکثریت نے پنجاب حکومت کے بسنت فیسٹیول منانے کے فیصلے کو درست قرار دیا ہے۔

پلس کنسلٹنٹ کے سروے میں اہل لاہور نے حکومت کے حفاظتی انتظامات پر بھی اطمینان کا اظہار کیا۔

سروے نتائج کے مطابق 53 فیصد شہریوں نے فیصلے کو درست، 20 فیصد نے درمیانی رائے جبکہ 28 فیصد نے اسے غلط فیصلہ قرار دیا۔

نتائج کے مطابق مردوں میں 54 فیصد جبکہ خواتین میں 50 فیصد نے بسنت سے متعلق حکومتی فیصلے کی حمایت کی۔

سروے کے مطابق 62 فیصد افراد نے حفاظتی اقدامات پر مکمل اطمینان ظاہر کیا، 25 فیصد کی درمیانی رائے جبکہ 18 فیصد نے عدم اطمینان کا اظہار کیا۔

نتائج کے مطابق مردوں میں 62 فیصد اور خواتین میں 63 فیصد افراد نے حفاظتی انتظامات کو تسلی بخش قرار دیا، سروے میں 15 سے 55 سال کی عمر کے مرد و خواتین شامل تھے۔