فتنہ الخوارج کا کارندہ گرفتار

ساہیوال سے کالعدم تنظیم تحریک طالبان پاکستان فتنہ الخوارج کا کارندہ گرفتار کرلیا گیا۔

سی ٹی ڈی کے مطابق پاکپتن گارڈن ٹاؤن میں دہشتگرد کی موجودگی کی اطلاع پر کارروائی کی گئی۔

گرفتار شخص سے نفرت انگیز مواد، کتابیں، نقدی اور اے ٹی ایم کارڈ برآمد کرلیا گیا ہے۔

ملزم کالعدم تنظیم کی تشہیر اور لوگوں کو اس میں شمولیت کی ترغیب دے رہا تھا۔

سی ٹی ڈی حکام کا کہنا ہے کہ گرفتار دہشت گرد آغا محمد جنوبی وزیرستان کا رہائشی ہے۔

گرفتار ملزم کے خلاف دہشتگردی ایکٹ کے تحت مقدمہ درج کرلیا گیا ہے اور مزید تفتیش جاری ہے۔