خاتون کو ہراساں کرنے والا رکشہ ڈرائیور گرفتار
لاہور میں ورچوئل ویمن پولیس اسٹیشن کی بروقت کارروائی کے نتیجے میں خاتون کو ہراساں کرنے والے رکشہ ڈرائیور کو گرفتار کر لیا گیا۔
ترجمان سیف سٹی کے مطابق خاتون کے ساتھ ہراسگی کی شکایت پبلک سیفٹی ایپ پر موصول ہوئی، جس پر فوری ایکشن لیا گیا۔
ترجمان کا کہنا ہے کہ سیف سٹی ٹیم نے جدید کیمروں کی مدد سے محض 30 منٹ کے اندر رکشے کو ٹریس کر لیا۔
سیف سٹی کیمرا فوٹیج کی بنیاد پر ملزم کو گرفتار کر کے اس کے خلاف مقدمہ درج کر لیا گیا ہے۔
Load/Hide Comments
