بھارت نے کئی برس بعد ایرانی ایل پی جی کی پہلی کھیپ خرید لی

کراچی (نیوز ڈیسک) برطانوی نیوز ایجنسی نے صنعتی ذرائع کے حوالے سے رپورٹ دی ہے کہ امریکا کی جانب سے تہران کے تیل اور ریفائنڈ ایندھن پر پابندیاں عارضی طور پر ہٹائے جانے کے بعد، بھارت نے کئی برس بعد ایرانی ایل پی جی کی پہلی کھیپ خریدلی ہے۔بھارت نے مغربی پابندیوں کے دباؤ میں 2019میں ایران سے توانائی کی خریداری روک دی تھی۔ایرانی ایل پی جی لے جانے والا پابندیوں کا شکار ٹینکر’’ارورہ‘‘ جلد ہی مغربی ساحلی بندرگاہ منگلور پہنچنے والا ہے، یہ ایندھن تین ریٹیلرز انڈین آئل کارپوریشن، بھارت پیٹرولیم کارپوریشن، اورہندوستان پیٹرولیم کارپوریشن کے درمیان تقسیم کیا جائے گا۔