طارق روڈ پر کار خاتون سمیت زمین میں دھنس گئی

کراچی کے علاقے طارق روڈ پر ایک شاپنگ مال کے قریب کار زمین میں دھنس گئی۔

پولیس حکام نے بتایا کہ زمین میں دھنس جانے والی کار میں ایک خاتون بھی موجود تھیں۔

پولیس حکام نے بتایا ہے کہ بروقت کارروائی کرتے ہوئے کار میں بیٹھی خاتون کو باہر نکال لیا گیا۔

پولیس حکام نے یہ بھی بتایا ہے کہ گاڑی کئی فٹ اندر چلی گئی ہے اور آدھی سے زیادہ گاڑی میں پانی موجود ہے، مزید کسی حادثے سے بچنے کے لیے متاثرہ جگہ کے اطراف میں رکاوٹیں کھڑی کر دی گئی ہیں۔