مینگورہ میں کار پر فائرنگ، 3 افراد جاں بحق
سوات کے علاقے مینگورہ میں کار پر فائرنگ کے واقعے میں 3 افراد جاں بحق ہوگئے۔
پولیس کے مطابق فائرنگ کا واقعہ مینگورہ کے علاقے رحیم آباد میں پیش آیا، جہاں ملزمان نے سفید رنگ کی کار پر فائرنگ کرکے تین افراد کو قتل کردیا۔
حملے کے بعد ملزمان فرار ہوگئے۔ تینوں لاشیں سیدو شریف منتقل کردی گئی ہیں۔
پولیس کا کہنا ہے کہ قتل کی وجوہات جاننے اور ملزمان کی گرفتاری کیلئے کوشش کی جارہی ہے۔
Load/Hide Comments
