سپریم کورٹ: کروڑوں کی زمین ہتھیانے کی کوشش، متوفی ذہنی معذور شخص سے خاتون کا جعلی نکاح نامہ کالعدم قرار
سپریم کورٹ نے متوفی ذہنی معذور اللّٰہ دتا سے ایک خاتون کا جعلی نکاح نامہ کالعدم قرار دے دیا۔
سپریم کورٹ نے ذہنی معذور متوفی اللّٰہ دتا سے جعلی نکاح نامے کی بنیاد پر کروڑوں روپے کی زرعی زمین ہتھیانے کی کوشش سے متعلق اپیل خارج کرتے ہوئے ماتحت عدالتوں کے فیصلے برقرار رکھے ہیں۔
جسٹس عرفان سعادت نے پانچ صفحات پر مشتمل فیصلہ تحریر کیا، جس میں قرار دیا گیا کہ فراڈ اور جعل سازی کے ذریعے کوئی قانونی حق حاصل نہیں کیا جا سکتا۔
فیصلے کے مطابق جعلی نکاح نامے کے ذریعے کروڑوں روپے کی زرعی زمین ہتھیانے کی کوشش کی گئی، تاہم نکاح کا دعویٰ مسترد کیا جاتا ہے۔
سپریم کورٹ نے قرار دیا کہ قبر کی درست نشاندہی نہ ہونے کے باعث ڈی این اے ٹیسٹ بھی نہیں ہو سکا اور متوفی اللہ دتا کے ڈی این اے نمونے حاصل نہیں کیے جا سکے۔
Load/Hide Comments
