سیز فائر کے باوجود کرتارپور راہداری تیسرے روز بھی بند

پاکستان اور بھارت کے درمیان جنگ بندی کے باوجود آج تیسرے روز بھی بھارت کی جانب سے کرتار پور راہداری بند ہے۔

دربار انتظامیہ کے مطابق پاکستان کی جانب سے کرتارپور راہداری معمول کے مطابق کھلی ہے۔

واضح رہے کہ بھارتی جارحیت کے بعد شکر گڑھ میں واقع کرتارپور راہداری کو بند کردیا گیا تھا۔

اس حوالے سے بھارتی سیکریٹری خارجہ نے کہا تھا کہ بھارت نے کرتار پور راہداری کی خدمات معطل کر دی ہیں۔

دوسری جانب کرتارپور میں مقامی اور بیرونِ ملک سے یاتریوں کی آمد جاری ہے۔

سکھ برادری کرتارپور میں موجود اپنے مذہبی مقامات کی زیارت کےلیے راہداری کا استعمال کرتے ہیں تاہم اس بندش کے باعث ان کے سفر پر اثر پڑ رہا ہے۔