پشاور ہائیکورٹ نے ملٹری کورٹ سے سنائی گئیں سزائیں درست قرار دے دیں

پشاور ہائی کورٹ نے ملٹری کورٹ سے سنائی گئیں سزائیں درست قرار دے دیں۔

ملٹری کورٹ سے سنائی گئیں سزاؤں کے خلاف اپیلوں پر سماعت جسٹس صاحبزادہ اسد اللّٰہ اور جسٹس فضل سبحان نے کی۔

پشاور ہائی کورٹ نے ملٹری کورٹ سے سنائی گئی سزاؤں کے خلاف 3 اپیلوں کو خارج کر دیا۔

دورانِ سماعت ایڈیشنل اٹارنی جنرل نے کہا کہ مجرمان نے مجسٹریٹ کے سامنے اقبال جرم کیا، مجرمان کا تعلق کالعدم تنظیم سے ہے۔

ایڈیشنل اٹارنی جنرل نے کہا کہ ملٹری کورٹ نے تمام تقاضے پورے کیے، اپیل کا حق اور مرضی کا وکیل دیا۔

یاد رہے کہ ملٹری کورٹ نے ایک مجرم کو عمر قید، دوسرے کو 20 سال اور تیسرے کو 16 سال قید کی سزا سنائی تھی۔