ٹیچر صدف حاصلو کا قتل، پولیس اہلکار سمیت 2 ملزمان گرفتار

سندھ کے ضلع دادو کی تحصیل میہڑ میں ٹیچر صدف حاصلو کے قتل کے الزام میں 2 ملزمان کو گرفتار کر لیا گیا۔

ایس ایس پی دادو نے بتایا ہے کہ گرفتار ملزمان میں 1 پولیس اہلکار اور دوسرا سہولت کار شامل ہے۔

انہوں نے بتایا کہ قمبر میں 3 ماہ قبل ملزم پولیس اہلکار نے شادی سے انکار پر اپنی منگیتر صدف حاصلو کو قتل کر دیا تھا۔

ایس ایس پی دادو کا کہنا ہے کہ گرفتار دوسرے ملزم نے پولیس اہلکار کو اپنے گھر میں پناہ دے رکھی تھی۔

انہوں نے بتایا کہ ملزم کی گرفتاری کے لیے سندھ حکومت نے 25 لاکھ روپے کا انعام مقرر کیا تھا۔

ایس ایس پی کے مطابق ڈی آئی جی لاڑکانہ نے ملزم کی گرفتاری کے لیے تحقیقاتی کمیٹی بنائی تھی۔

انہوں نے یہ بھی بتایا ہے کہ گرفتار ملزمان کے خلاف مقدمات درج کر کے کارروائی شروع کر دی گئی ہے۔