چینی کی برآمد و درآمد میں مافیا کو نوازا جا رہا ہے، لیاقت بلوچ

جماعت اسلامی کے نائب امیر لیاقت بلوچ کا کہنا ہے کہ چینی کی برآمد اور درآمد میں مافیا کو نوازا جا رہا ہے۔

لاہور سے جاری بیان میں لیاقت بلوچ نے کہا کہ ذخیرہ اندوزوں اور معاشی مافیاز کو حکومت بار بار ریلیف دیتی ہے، حکومت قومی بجٹ میں عوام اور زراعت دشمن ہر اقدام کا خاتمہ کرے۔

انہوں نے کہا کہ حکومت کا امریکی محبت میں تمام حدیں پار کرنا بڑا خطرناک ہے، امریکی صدر کےلیے امن کیلئے بڑا چیلنج اسرائیل کو ظلم سے روکنا ہے۔

لیاقت بلوچ کا مزید کہنا تھا کہ ایران کے سپریم لیڈر کا قتل دنیا کے ہر لیڈر کو غیر محفوظ کرے گا۔