دنیا بھر میں کشمیری آج یوم شہدائے کشمیر منارہے ہیں

دنیا بھر میں کشمیری آج یوم شہدائے کشمیر منارہے ہیں۔ 13 جولائی 1931 کے 22 کشمیریوں کی شہادت کو دنیا بھر کے کشمیری خراج عقیدت پیش کررہے ہیں۔

وزیراعظم شہباز شریف نے یوم شہدا کشمیر پر اپنے بیان میں کہا کہ یہ دن کشمیر کے مسلمانوں کی استقامت، مزاحمت اور غیر متزلزل عزم کی یاد دہانی کراتا ہے۔

انہوں نے کہا کہ پاکستان جموں کشمیر کے مسلمانوں کی سیاسی، سفارتی اور اخلاقی حمایت جاری رکھے گا۔

چیئرمین پیپلزپارٹی بلاول بھٹو زرداری نے کہا کہ خطے میں پائیدار امن تبھی ممکن ہے جب مسئلہ کشمیر کشمیری عوام کی امنگوں کے مطابق حل کیا جائے۔