لاہور سمیت پنجاب کے مختلف علاقوں میں تیز بارش

لاہور سمیت پنجاب کے مختلف علاقوں قصور، پاکپتن، کمالیہ، سرگودھا، چیچہ وطنی، چنیوٹ اور وہاڑی علاقوں میں بارش ہوئی۔

آزاد کشمیر کے مختلف مقامات پر بھی برسات ہوئی۔

محکمہ موسمیات کے مطابق آج سے 17 جولائی کے دوران ملک کے بعض مقامات پر شدید بارشوں کا امکان ہے۔

اسلام آباد، پنجاب، سندھ، خیبرپختونخوا، شمال مشرقی بلوچستان، گلگت بلتستان اور کشمیر کے ندی نالوں میں طغیانی کا خطرہ ہے۔

محکمہ موسمیات کا کہنا ہے کہ نشیبی علاقے زیر آب آنے اور پہاڑی علاقوں میں لینڈ سلائیڈنگ کا بھی خدشہ ہے۔