کراچی میں ایئرپورٹ کے باہر غیر ملکیوں کو پولیس وردی پہن کر لوٹنے والے گروہ کا انکشاف
کراچی میں ایئرپورٹ کے باہر غیر ملکیوں کو پولیس وردی پہن کر لوٹنے والے گروہ کا انکشاف ہوا ہے۔
پولیس وردی میں وارداتیں کرنے والے تین افراد کی گزشتہ روز گرفتاری ہوئی تھی، اس معاملے پر سپرنٹنڈنٹ آف پولیس (ایس پی) گلشن اقبال احمد میمن کا کہنا ہے کہ گرفتار ملزمان سے دوران تفتیش کئی انکشافات سامنے آئے ہیں۔
ایس پی گلشن اقبال کا کہنا ہے کہ ملزمان غیر ملکیوں کو دستاویزات چیک کرنے کے بہانے روکتے، ملزمان دستاویزات چیک کرنے کے بہانے غیر ملکیوں سے لوٹ مار کرتے تھے۔
احمد میمن نے کہا کہ ملزمان کا گروہ ایئرپورٹ سے نکلنے والے غیر ملکی مسافروں سے بھی لوٹ مار کرتا تھا، ملزمان وارداتوں کے بعد بیرون ملک فرار ہو جاتے تھے، ملزمان کے قبضے سے پاکستانی شناختی کارڈ اور غیر ملکی کریڈٹ کارڈ بھی ملے ہیں۔
ایس پی گلشن اقبال کا کہنا ہے کہ ملزمان نے کلفٹن، ڈیفنس، گلشن اقبال، گلستان جوہر میں بھی وارداتوں کا اعتراف کیا ہے۔
