جناح ہاؤس حملہ کیس، علیمہ خان کے بیٹے شیر شاہ کی بھی ضمانت منظور

لاہور کی انسداد دہشت گردی عدالت نے جناح ہاؤس حملہ کیس میں بانی پی ٹی آئی کی بہن علیمہ خان کے بیٹے شیر شاہ کی بھی ضمانت منظور کر لی۔

دوران سماعت درخواست گزار کے وکیل نے دلائل دیے کہ اس مقدمے میں ابھی تک ملزم کی حد تک چالان نہیں آیا، لامحدود وقت تک ملزم کو قید نہیں رکھا جا سکتا۔

درخواست گزار کے وکیل نے کہا کہ ملزم کے خلاف کوئی ثبوت نہیں، ملزم کسی ہنگامہ آرائی میں ملوث نہیں۔

واضح رہے کہ گزشتہ روز لاہور کی انسدادِ دہشت گردی کی عدالت نے بانی پاکستان تحریک انصاف (پی ٹی آئی) کے بھانجے شاہ ریز کی درخواست ضمانت منظور کی تھی۔

تھانہ سرور روڑ پولیس نے جناح ہاؤس حملہ کیس میں ملزم شاہ ریز خان کے خلاف مقدمہ درج کر رکھا ہے۔