خیرپور، قومی شاہراہ پر مسافر بس اور ٹرالر میں ٹکر، 11 مسافر جاں بحق، 10 زخمی

سندھ کے ضلع خیرپور کے علاقے ٹنڈو مستی کے قریب قومی شاہراہ پر مسافر بس  اور ٹرالر میں ٹکر کے نتیجے میں 11 مسافر جاں بحق اور 10 زخمی ہوگئے۔

ریسکیو ذرائع کے مطابق حادثے میں جاں بحق افراد کی لاشیں اور زخمیوں کو خیرپور اسپتال منتقل کیا جارہا ہے۔

ریسکیو حکام کے مطابق مسافر بس پنجاب سے کراچی جارہی تھی، حادثہ تیز رفتاری کے باعث پیش آیا۔

دوسری جانب آئی جی سندھ جاوید عالم اوڈھو نے ایس ایس پی خیرپور کو پولیس کو جائے حادثہ پر روانہ کرنے کا حکم دیتے ہوئے کہا کہ امدادی سرگرمیاں یقینی بنائی جائیں۔

آئی جی سندھ نے مزید کہا کہ زخمیوں کی اسپتال منتقلی کے دوران راستوں کو کلیئر رکھا جائے۔